شہداءکی قربانیاں پاکستان کی سلامتی اور استحکام کی بنیاد ہیں،فیلڈمارشل عاصم منیر

راولپنڈی ۔فیلڈ مارشل سید عاصم منیر نے کہا ہے کہ پاکستان میں دہشت گردی کےلئے افغان سرزمین کا استعمال ناقابل قبول ہے، شہدا کی قربانیاں پاکستان کی سلامتی اور استحکام کی بنیاد ہیں۔ آرمی چیف، چیف آف ڈیفنس فورسز و فیلڈ مارشل سید عاصم منیرکا بدھ کو جنوبی وزیرستان کا دورہ ۔
سیکیورٹی صورتحال، انٹیلی جنس بیسڈ جاری آپریشنز اور بارڈر مینجمنٹ کےلئے کئے گئے اقدامات کے بارے میں جامع بریفنگ دی گئی اور آپریشن غضب للحق میں تازہ پیش رفت سے آگاہ کیا گیا۔
فیلڈ مارشل نے مادر وطن کے دفاع میں لازوال قربانیاں دینے والے شہدا کو خراج عقیدت پیش کرنے کےلئے یادگار شہدا پر حاضری دی، پھول رکھے اور فاتحہ خوانی کی۔ترجمان کے مطابق سید عاصم منیر نے اگلے مورچوں پر تعینات افسران اور جوانوں کے ساتھ بات چیت کی اورپیشہ ورانہ مہارت، آپریشنل تیاری اور بلند حوصلے کو سراہا۔
فتنہ الخوارج اور فتنہ الہندوستان کی جانب سے پاکستان کے خلاف دہشت گردی کی کارروائیوں کےلئے افغان سرزمین کا استعمال ناقابل قبول ہے اور سرحد پار سے پیدا ہونے والے خطرات سے نمٹنے کےلئے تمام ضروری اقدامات کئے جائیں گے۔