انزائٹی اور ڈپریشن جیسے امراض سے تحفظ فراہم کرنیوالا مزیدار طریقہ

دماغی امراض جیسے انزائٹی اور ڈپریشن بہت تیزی سے عام ہوتے جا رہے ہیں۔

ایک تخمینے کے مطابق دنیا بھر میں ایک ارب سے زائد افراد کسی دماغی عارضے کے ساتھ زندگی گزار رہے ہیں۔

مگر کافی پینے کی عادت انزائٹی اور ڈپریشن جیسے عام ترین دماغی امراض سے تحفظ فراہم کرنے میں مدد فراہم کرتی ہے۔

یہ بات چین میں ہونے والی ایک طبی تحقیق میں سامنے آئی۔

Faudan یونیورسٹی کی تحقیق میں بتایا گیا کہ روزانہ 2 سے 3 کپ کافی پینے سے انزائٹی اور ڈپریشن سے متاثر ہونے کا خطرہ گھٹ جاتا ہے۔

اس تحقیق میں 4 لاکھ 61 ہزار سے زائد افراد کے طبی ڈیٹا کا تجزیہ کیا گیا جو کہ یوکے بائیو بینک سے حاصل کیا گیا تھا

تحقیق کے آغاز میں یہ تمام افراد دماغی امراض سے محفوظ تھے اور پھر ان کی صحت کا جائزہ 13.4 برسوں تک لیا گیا جبکہ کافی پینے کی عادت کی تفصیلات بھی حاصل کی گئیں۔

تحقیق میں دریافت کیا گیا کہ معتدل مقدار جیسے 2 سے 3 کپ کافی پینے کے عادی افراد میں دماغی امراض جیسے انزائٹی یا ڈپریشن سے متاثر ہونے کا خطرہ اس گرم مشروب سے دور رہنے والوں کے مقابلے میں کافی کم ہوتا ہے۔

مگر محققین نے عندیہ دیا کہ کافی میں موجود حیاتیاتی مرکبات ممکنہ طور پر دماغی صحت کو بہتر بنانے میں کردار ادا کرتے ہیں