ایران جنگ: سفارتی سرگرمیاں تیز، پاکستان کی میزبانی میں سعودی، ترک اور مصری وزرائےخارجہ کی اہم بیٹھک کل ہوگی

ایران جنگ  سے متعلق مذاکرات کے لیے اسلام آباد میں اہم سفارتی سرگرمیاں جاری ہیں۔

سفارتی ذرائع کے مطابق سعودی عرب، ترکیے اور مصر کے  وزرائے خارجہ کی اہم بیٹھک کل اسلام آباد میں ہوگی۔ مصری وزیر خارجہ آج رات جب کہ ترکیے اور سعودی عرب کے  وزرائے کل صبح پاکستان پہنچیں گے۔

سفارتی ذرائع کے مطابق  ایران  سے متعلق مذاکرات کے سلسلے میں 4 ممالک  میں مشاورت جاری ہے۔

ذرائع کا کہنا ہےکہ کل صبح  سعودی عرب، ترکیے اور مصر کے پاکستان کے ساتھ الگ الگ دوطرفہ مذاکرات بھی ہوں گے۔

سفارتی ذرائع کے مطابق دورہ پاکستان پر  آئے وزرائے خارجہ کی آپس میں بھی اہم ملاقاتیں ہوں گی۔ تینوں ملکوں کے وزرائے خارجہ کو نائب وزیراعظم ظہرانہ بھی دیں گے۔

ترک وزارت خارجہ کے مطابق وزیرخارجہ حقان فیدان  29 سے 30 مارچ کو اسلام آباد میں اہم اجلاس میں شرکت کریں گے،  دورے کےدوران خطے کی صورتحال، حالیہ پیشرفت  پرمشاورت ہوگی۔ اسلام آباد میں ہونے والے اجلاس میں اہم علاقائی امور زیر غور آئیں گے۔