کوئٹہ سمیت بلوچستان بھر میں ٹرانسپورٹ کا شعبہ انتہائی اہم ہے ،سیدال خان ناصر

پاکستان مسلم لیگ(ن) کے رہنما ڈپٹی چیئر مین سینیٹ سیدال خان ناصر سے پارلیمانی سیکرٹری محکمہ ٹرانسپورٹ میر لیاقت علی لہڑی کی ملاقات ، مختلف امور پر تبادلہ خیال کیا گیا۔ گزشتہ روز پارلیمانی سیکرٹری میر لیاقت علی لہڑی نے کوئٹہ میں ڈپٹی چیئر مین سینیٹ سیدال خان ناصر سے ملاقات کی ،ملاقات کے دوران بلوچستان بلخصوص کوئٹہ میں ٹرانسپورٹ کے شعبے کی بہتری کے لیے اٹھائے گئے اقدامات، مسائل کے حل ، ترقیاتی امور پر تبادلہ خیال کیا گیا ۔ دونوں رہنماﺅں نے اس بات پر اتفاق کیا کہ کوئٹہ سمیت بلوچستان بھر میں ٹرانسپورٹ کا شعبہ انتہائی اہم ہے جسکی بہتری کے لیے مشترکہ کاوشوں کی ضرورت ہے ۔