اسلام آباد : وزیراعظم شہباز شریف نے نیپرا کی جانب سے سولر سے متعلق نئے ریگولیشنز کے اجرا کا نوٹس لیتے ہوئے سولر صارفین کے کنٹریکٹ کے تحفظ کیلئے نظرثانی اپیل دائر کرنے کی ہدایت کردی۔
تفصیلات کے مطابق وزیراعظم شہباز شریف کی زیرصدارت نیپرا کی جانب سے نئے ریگولیشنزکے اجرا پر خصوصی اجلاس ہوا۔
اجلاس میں وزیر اعلیٰ اور وفاقی وزرا، نائب وزیراعظم اسحاق ڈار، احد چیمہ، عطاء تارڑ، علی پرویز ملک، اور اویس لغاری سمیت دیگر حکام شریک ہوئے۔
وزیراعظم نے ہدایت دی کہ پاورڈویژن نیپرا کو سولر صارفین کے کنٹریکٹ کے تحفظ کیلئے نظرثانی اپیل دائر کرے۔
وزیراعظم نے کہا کہ سولر سے مستفید تقریباً 4 لاکھ 66 ہزار صارفین پر کسی بھی مالی بوجھ کا اثر نہ پڑے جو 3 کروڑ 76 لاکھ سے زائد دیگر صارفین کو متاثر کر سکتا ہے۔
وزیراعظم نے پاور ڈویژن کو ہدایت دی کہ وہ صارفین کے مفاد کے تحفظ کے لیے جامع لائحہ عمل تشکیل دے اور نیپرا کے نئے ریگولیشنز کے اطلاق میں شفافیت اور احتیاط کو یقینی بنائے۔
Leave a Reply