3
بھارت (11 فروری 2026): نیوزی لینڈ کے اوپنرز نے یو اے ای کے خلاف صرف میچ ہی نہیں جیتا بلکہ ٹی 20 ورلڈ کپ تاریخ کی سب سے بڑی پارٹنر شپ بھی بنا لی۔
ٹی 20 ورلڈ کپ کے سلسلے میں گزشتہ روز چنئی میں کھیلے گئے میچ میں متحدہ عرب امارات نے نیوزی لینڈ کو جیت کے لیے 174 رنز کا ہدف دیا تھا، جو کیویز اوپنرز نے حاصل کر کے ٹیم کو دس وکٹوں سے فتح دلائی۔
ٹم سیفرٹ نے 89 اور فن ایلن نے 84 رنز کی دھواں دھار اور ناقابل شکست اننگز کھیلیں۔ اس میچ میں فن ایلن نے ٹی ٹوئنٹی انٹرنیشنل میں 100 چھکے مکمل کرنے کا اعزاز بھی حاصل کیا۔
کیویز اوپنرز کی 175 رنز کی شراکت T20 ورلڈ کپ کی تاریخ میں میں کسی بھی وکٹ کے لیے سب سے بڑی شراکت ہے۔
