واشنگٹن: امریکی میڈیا نے دعویٰ کیا ہے کہ مشرقِ وسطیٰ کی جنگ میں روس بالواسطہ شامل ہوکر ایران کو امریکی اہداف پر حملوں کے لیےخفیہ معلومات دے رہا ہے۔
امریکی میڈیا کی رپورٹ میں کہا گیا ہے کہ روس نے ایران کو امریکی جنگی جہازوں اور طیاروں کی پوزیشنز فراہم کیں۔
امریکی میڈیا کے مطابق ایران کے امریکی فوجی اہداف پر حملے روسی معلومات سے زیادہ درست ہوئے، جنگ کے آغاز کے بعد روس ایران کو امریکی فوجی اثاثوں کی لوکیشن دیتا رہا۔
امریکی میڈیا کا کہنا ہے کہ امریکی فوجی تنصیبات، ریڈار اور کمانڈ سینٹرز ایران کے نشانے پر ہیں۔ ایران کے حملے انتہائی درست اور منصوبہ بندی سے کیے جا رہے ہیں۔
امریکی میڈیا کے مطابق سی آئی اے اور پنٹاگون نے روسی تعاون پر تبصرہ کرنے سے انکار کر دیا جبکہ روسی سفارت خانے نے انٹیلی جنس تعاون کے سوال پر جواب دینے سے گریز کیا۔
دوسری جانب امریکی حکام کا کہنا ہے کہ چین تاحال ایران کی دفاعی مدد کرتا نظر نہیں آ رہا۔
Leave a Reply