اسلام آباد: وزیراعظم شہباز شریف نے خلیجی ممالک کو اشیائے خوردونوش کی فراہمی تیز کرنے کی ہدایت کردی۔
وزیراعظم کی زیرصدارت ہونے والے اجلاس میں موجودہ علاقائی صورتحال کے تناظر میں خلیجی ریاستوں کو اشیائے خوردونوش کی فراہمی پرغور کیا گیا جب کہ پاکستان کی بندرگاہوں اور میری ٹائم آپریشنز کے حوالے سے جائزہ لیا گیا۔
وزیراعظم نے خلیجی ممالک کو اشیائے خوردونوش کی فراہمی کے لیے بنائی گئی حکمت عملی پراطمینان کا اظہارکیا۔
وزیر اعظم شہباز شریف نے کہا کہ خلیجی ممالک کو درکار اشیائے خوردونوش کی فراہمی کے لیے تمام متعلقہ محکمے الرٹ رہیں، موجودہ علاقائی صورتحال میں خلیجی ممالک کی غذائی ضروریات کاخیال رکھنا ہمارا فرض ہے۔
شہباز شریف کا کہنا تھا کہ اشیائے خوردونوش کی خلیجی ممالک میں برآمد کے لیے تیزی سے کام کیا جائے۔
Leave a Reply