فراڈ کرنے والے آپ کے پیاروں کی آواز نقل کر سکتے ہیں، مگر ایک خفیہ کوڈ انھیں بے نقاب کر سکتا ہے

ڈیپ فیک فراڈ میں آپ کی آواز تو استعمال کی جا سکتی ہے لیکن دھوکے باز یہ نہیں جانتے کہ آپ کیا سوچتے ہیں۔ صرف پانچ منٹ کی تیاری آپ کے عزیزوں کو دھوکے سے بچا سکتی ہے۔

نیویارک کے شہر بفیلو کی رہائشی الزبتھ بینز کو بھی ایسے ہی ایک دھوکے سے متعلق ستمبر 2025 میں ایک فون کال موصول ہوئی۔

وہ کہتی ہیں کہ ’یہ میری زندگی کا سب سے خوفناک لمحہ تھا۔ یہ میرا 16 سالہ بیٹا جان تھا۔ وہ رو رہا تھا اور کہہ رہا تھا کہ ماں، میرا دوست مر گیا ہے، وہ مر گیا ہے۔‘

وہ یہ سن کر گھبرا گئیں لیکن ابھی صورتحال مزید خراب ہونے والی تھی۔

پھر ایک اجنبی نے فون سنبھال لیا۔