گوگل میپس کا وہ بہترین فیچر جس کا علم بہت کم افراد کو ہے

گوگل میپس متعدد کاموں کے لیے بہترین سروس ہے جس سے آپ نئے ریسٹورینٹس، نئے مقامات یا دیگر چیزوں کو تلاش کرسکتے ہیں۔

مگر کیا آپ کو معلوم ہے کہ آپ اس کو اپنے قریب موجود پیٹرول پمپ تلاش کرنے کے لیے بھی استعمال کرسکتے ہیں؟

جی ہاں واقعی گوگل میپس کو آپ پیٹرول پمپس تلاش کرنے کے لیے بھی استعمال کرسکتے ہیں۔

یہ فیچر اس وقت بہت کارآمد ثابت ہوتا ہے جب اچانک سفر کے دوران موٹرسائیکل یا گاڑی کا پیٹرول ختم ہونے کے قریب پہنچ جائے اور آپ کو علم نہ ہو کہ اس علاقے میں پیٹرول پمپ کہاں موجود ہے۔

تو موٹرسائیکل یا گاڑی پر سفر کرتے ہوئے گوگل میپس نہ صرف ریسٹورینٹس اور مقامات کی تلاش کے لیے بہترین ہے بلکہ یہ آپ کو بتاتا ہے کہ پیٹرول پمپ کو کہاں تلاش کیا جاسکتا ہے۔

تو اس فیچر کو کیسے استعمال کریں؟

اچھی بات یہ ہے کہ گوگل میپس ایسی سروس ہے جس کو لگ بھگ ہر ڈیوائس میں استعمال کیا جاسکتا ہے

ہر ڈیوائس میں یہ فیچر ایک طرح ہی کام کرتا ہے اور اسے گیس فیچر کہا جاتا ہے۔

تو اینڈرائیڈ یا آئی او ایس ڈیوائس میں آپ گوگل میپس کو اوپن کریں۔

وہاں سرچ بار کے نیچے موجود آپشنز جیسے ہوم، ریسٹورینٹس وغیرہ کو سوائپ کرکے گیس آپشن پر کلک کریں۔

ایسا کرنےکے بعد ڈیوائس میں علاقے میں موجود تمام پیٹرول پمپس سرخ رنگ کے آئیکون کے ساتھ نمودار ہو جائیں گے۔

یہاں تک کہ آپ یہ بھی دیکھ سکتے ہیں کہ وہ پمپ دن میں کتنے گھنٹے کھلے رہتے ہیں یا دیگر چیزوں کی تفصیلات بھی جان سکتے ہیں۔

اس کے لیے کسی بھی آئیکون پر کلک کرکے مزید تفصیلات جان سکتے ہیں یا دیکھ سکتے ہیں کہ کس سمت میں جاکر آپ اسے تلاش کرسکتے ہیں۔