جاپان میں انسانوں کو گرمی سے بچانے کیلئے فریج تیار

جاپان میں حالیہ دنوں میں درجہ حرارت 38 ڈگری سینٹی گریڈ تک پہنچ چکا ہے اور حکومت کی جانب سے ہیٹ اسٹروک الرٹ بھی جاری کیے گئے ہیں۔

اس کو دیکھتے ہوئے 2 جاپانی کمپنیوں نے شدید گرمی سے نمٹنے کے لیے جو حل پیش کیا ہے وہ دنگ کر دینے والا ہے اور وہ ہے انسانی فریج۔

جی ہاں واقعی ان کمپنیوں نے پرسنل کولنگ باکس تیار کیا ہے تاکہ ہیٹ ویو سے تحفظ فراہم کیا جاسکے۔

اس کی قیمت 15 لاکھ جاپانی ین رکھی گئی ہے اور لوگ اسٹین لیس اسٹیل سے بنے باکس یا ڈبے کے اندر موجود کرسی پر بیٹھ جاتے ہیں۔

اس کے بعد طاقتور ٹھنڈی ہوائیں خارج ہوتی ہیں جو سر، گردن، کندھوں اور کمر کا درجہ حرارت 5 ڈگری سینٹی گریڈ تک کم کردیتی ہیں جس سے مجموعی جسمانی درجہ حرارت گھٹ جاتا ہے۔

یہ انسانی فریج 15 سینٹی گریڈ درجہ حرارت کو برقرار رکھتا ہے اور زیادہ سے زیادہ 20 منٹ تک چلنے کے بعد خودکار طور پر بند ہو جاتا ہے۔

84 انچ لمبے اور 47 انچ چوڑے فریج کو ایک گھنٹے تک چلانے پر 16 ین خرچ ہوتے ہیں جبکہ یہ ائیرکنڈیشنر کے مقابلے پر کم بجلی خرچ کرتا ہے۔