مانگی ڈیم پولیس اسٹیشن پر دہشتگردانہ واقعے کے تسلسل میں پاک فوج، ایف سی اور بلوچستان پولیس کے آپریشن شعبان کے دور ان گزشتہ 24 گھنٹوں کے دوران مزید 17خارجی دہشتگرد ہلاک کردیے گئے۔سیکیورٹی ذرائع کے مطابق آپریشن شعبان کے علاوہ جمعہ کی صبح خضدار کے علاقےمیں دہشتگردوں کا پولیس اسٹیشن پرحملہ بھی پسپا کیا گیا۔ سیکیورٹی ذرائع کے مطابق فوج اور ایف سی کے دستوں نے پہاڑوں میں چھپے خارجیوں کو نشانہ بنایا، کارروائی کے دوران مزید 4 خارجی ہلاک ہوگئے، متعدد کے زخمی ہونے کی اطلاعات ہیں، آپریشن شعبان میں ہلاک ہونے والوں کی تعداد مجموعی طور پر 43 ہوگئی۔ سیکیورٹی ذرائع کے مطابق مزید 5 سے 6 دہشتگردوں کے ہیلی کاپٹر آپریشنز میں مارے جانے کی بھی اطلاعات ہیں، 5 جولائی سے اب تک آپریشن شعبان اور دیگر آئی بی اوز میں 79 دہشتگرد ہلاک ہوئے۔سیکیورٹی ذرائع کے مطابق آپریشن شعبان کے دوران دشوار گزار پہاڑی علاقوں میں فتنہ الخوارج کے خلاف گھیرا مزید تنگ کر دیا گیا ہے۔
adminshuja
← پچھلی خبر
کوئٹہ،ہنہ اوڑک میں دہشتگردی، 11 مغوی بازیاب
متعلقہ خبریں
Leave a Reply