پنجگور، غیرقانونی طور پر ریتی بجری نکالنے پر 6افراد کو گرفتار کرکے 3ٹریکٹر ضبط کرلئے

پنجگور انتظامیہ نے رخشان ندی میں غیرقانونی طور پر ریتی بجری نکالنے پر 6افراد کو گرفتار کرکے 3ٹریکٹر ضبط کرلئے۔ ضلعی انتظامیہ کے مطابق بدھ کو ضلعی انتظامیہ نے رخشان ندی سے غیرقانونی طور پر ریتی بجری نکالنے والوں کے خلاف کریک ڈاون کیا جس کے دوران 6افراد کو گرفتار کرکے 3ٹریکٹر ضبط کرلئے گئے۔ انتظامیہ نے بتایا کہ گرفتار افراد کو تنبیہ کرنے کے بعد رہا کردیا گیا۔ضلعی انتظامیہ نے شہریوں کو تاکید کرتے ہوئے کہا کہ رخشان کور سے ریتی بجری نکالنے پر مکمل پابندی ہے جس کسی نے بھی خلاف ورزی کیا تو اسکے خلاف قانونی کارروائی ہوگا ۔