سب معجزہ لگتا ہے لیکن اس کیساتھ ہمارا پلان اور یقین بھی تھا، کپتان حیدرآبادکنگزمین

حیدر آباد کنگز مین کے کپتان مارنوس لبوشین کا کہنا تھا کہ ہمیں خود پر فوکس کرنا ہے اور ہمیں اپنے پلان پر عمل کرنا ہے، ہمارے لیے یہ ایک اچھا موقع ہے، ہم پرجوش ہیں، ہمیں اعتماد تھا جس کی وجہ سے یہاں پہنچے ،کھلاڑیوں نے اسکلز کے مطابق پرفارم کیا۔

مارنوس لبوشین کا کہنا تھا کہ میرا پی ایس ایل میں پہلا موقع ہے، میں نے خوب انجوائےکیا، اچھا لگا اب فائنل جیتنا ایک اچھا موقع ہے، فائنل میں بھی ہم خود پر اعتماد کےساتھ کھیلیں گے اور ٹرافی جیتیں گے۔

ان کا کہنا تھا کہ4 میچز میں 4 شکست ہوں تو مایوسی تو ہوتی ہے لیکن ہمیں یقین تھا کہ ہم اس صورتحال سے نکل سکتے ہیں، راولپنڈیز کے خلاف ہمیں 85 رنز سے جیتنا تھا، ہم100 سے زائد رنز سے جیتے اور پلے آف میں آئے،گزشتہ روز 6 رنز کا دفاع کرنا تھا وہ بھی کیا اور فائنل میں آئے، یہ سب معجزہ لگتا ہے لیکن اس کے ساتھ پلان اور یقین تھا۔

ایک سوال کے جواب میں ان کا کہنا تھا کہ جب ٹرافی ہاتھ میں آئے گی تو پھر دیکھیں گےکہ کس کے نام کرنا ہے، پی ایس ایل میرے لیے ایک اچھا موقع تھا کہ میں ٹی ٹوئنٹی میں اپنی اسکلز اور کپتانی کو بہتر کروں۔