نصیرآباد ڈویژن شدید گرمی کی لیپٹ میں درجنوں افراد گرمی لگنے کے باعث بے ہوش ہوگئے

نصیرآباد ڈویژن شدید گرمی کی لیپٹ میں درجنوں افراد گرمی لگنے کے باعث بے ہوش ہوگئے درجہ حرارت 48 سینٹی گریڈ تک پہنچ گیاکاروبار زندگی مفلوج بازار مارکیٹس ویران بجلی کا طویل ترین بریک ڈاو¿ن ۔تفصیلات کے مطابق نصیرآباد ڈویژن سخت گرمی اور گرم ہواوں کی لیپٹ میں ہے ڈیرہ مراد جمالی اوستہ محمد صحبت پور ڈیرہ اللہیار نوتال بھاگ ناڑی جھل مگسی گنداواہ روجھان جمالی بختیاراباد چھتر فلیجی تمبو میر واہ مانجھوٹی فریدآباد عمر کوٹ گنداخہ سمیت دیگر علاقوں میں ہونے والی گرمی نے انسانی زندگی مفلوج کرکے رکھ دی جہاں درجہ حرارت 48 سینٹی گریڈ تک پہنچ گیا صبح ہوتے ہی سورج نے آگ برسانا شروع کردیا گیا کھیتوں اور محنت مزدوری کرنے والے درجنوں افراد گرمی لگنے سے بے ہوش ہوگئے جن کو مقامی ہسپتالوں میں منتقل کردیا گیا۔

ڈیرہ مراد جمالی میں گرمی سے بے ہوش ہونے والوں میں شاہ نواز فیاض حسین صدام علی غفار جویا شاہ رخ ڈرائیور فداحسین بلال اسد عابد نعیم احمد زبیر احمد شوکت علی رسول بخش ہمت اور قربان علی شامل ہیں جن کو بے ہوشی کی حالت میں ٹیچنگ ہسپتال سمیت مقامی پرائیویٹ کلنیکس منتقل کردیا گیا شدید گرمی میں ڈیرہ مراد جمالی غربی اور شرقی ایریا میں بجلی کی بندش اور غیر اعلانیہ لوڈشیڈنگ نے عوام کی مشکلات مین مذید اضافہ کردیا گیا اور شہری علاقوں میں پانی کا بدترین بحران جاری ہے اور شہری ابادی پانی کی پوند بوند کو ترس رہے ہیں ۔