بلوچستان میں معصوم جانوں پر ہونےوالا بزدلانہ وار پوری قوم کے دل پر حملہ ہے، نواز شریف

پاکستان مسلم لیگ (ن) کے صدر و سابق وزیر عظم نواز شریف نے کہا ہے کہ بلوچستان میں معصوم جانوں پر ہونے والا بزدلانہ وار پوری قوم کے دل پر حملہ ہے ۔ ایکس پر جاری اپنے بیان میں نواز شریف نے کہا کہ دہشتگردی کے خلاف قوم کا عزم غیر متزلزل ہے ، میں شہداءکے لواحقین کے غم میں برابر کا شریک ہوں اور زخمیوں کی جلد صحتیابی کےلئے دعا گو ہوں ۔ اللہ تعالیٰ شہداءکے درجات بلند فرمائے اور پسماندگان کو صبر جمیل دے۔