کراچی : کمشنر کراچی نے رمضان سے پہلے تمام اشیائے ضروریہ کی فہرستیں جاری کرنے کا فیصلہ کرتے ہوئے کہا مناسب اور رعایتی قیمت پر اشیا کی فراہمی کیلئے رمضان پیکج تیار کیا جائے.
تفصیلات کے مطابق کمشنر کراچی کی زیر صدارت رمضان پیکج اور پرائس کنٹرول اقدامات سے متعلق اجلاس منعقد ہوا۔
اجلاس میں تاجروں، صارفین کے نمائندوں، مارکیٹ کمیٹی اور گروسری ایسوسی ایشن سے مشاورت کی گئی، جبکہ بیورو آف سپلائی اور فوڈ ڈیپارٹمنٹ کے افسران بھی شریک ہوئے جبکہ ڈپٹی کمشنرز ویڈیو لنک کے ذریعے اجلاس میں شامل ہوئے۔
اجلاس میں مناسب اور رعایتی قیمت پر اشیائے ضروریہ کی فراہمی کے لیے رمضان پیکج تیار کرنے کا فیصلہ کیا گیا۔
کمشنر کراچی نے ہدایت کی کہ رمضان سے پہلے تمام اشیائے ضروریہ کی فہرستیں جاری کی جائیں اور ناجائز منافع خوروں کے خلاف خصوصی مہم چلائی جائے۔
مزید برآں، رمضان سے قبل گرانفروشوں کے خلاف کریک ڈاؤن شروع کرنے اور ڈپٹی کمشنرز کو کارروائی کی نگرانی یقینی بنانے کی ہدایت دی گئی۔
اسسٹنٹ کمشنرز کو روزانہ کی کارروائی اور رپورٹنگ یقینی بنانے کا بھی حکم دیا گیا ہے تاکہ عوام کو بروقت اشیائے ضروریہ مناسب قیمت پر فراہم کی جا سکیں۔
Leave a Reply