ایران میں پاکستان کے سفیر مدثر ٹیپو نے کہا ہے کہ پاکستان کو تجارت اور ٹرانزٹ تجارت کےلیے مکمل سہولت فراہم کرنے پر حکومت ایران کے شکرگزار ہیں۔
اپنے بیان میں مدثر ٹیپو کا کہنا تھاکہ ایران نے مشکل حالات میں پاکستان کی ایران کے ساتھ تجارت میں مکمل سہولت فراہم کی، ایران کے ذریعے ٹرانزٹ تجارت کےلیے بھی مکمل سہولت فراہم کی گئی۔
انہوں نے کہا کہ پاکستان اور ایران کے درمیان زمینی سرحدیں معمول کے مطابق فعال اور تجارتی سرگرمیاں جاری ہیں، سرحدی مقامات پر گرین چینلز فعال ہیں جو دونوں جانب اشیاء کی تیز تر ترسیل میں مدد دے رہے ہیں۔
ان کا کہنا تھاکہ پاکستان بھی تہران کے ساتھ بھرپور تعاون کر رہا ہے تاکہ جاری صورتحال کے باوجود تجارت متاثر نہ ہو، تجارتی رش اور مسائل کو باہمی کوششوں سے حل کیا جا رہا ہے، پاکستانی سفارتخانہ ایران اور پاکستان میں سرکاری و نجی اسٹیک ہولڈرز سے مسلسل رابطے میں ہے۔
Leave a Reply