معرکہ حق دفاع پاکستان کا درخشاں باب ہے، بخت کاکڑ

پاکستان پیپلز پارٹی کے رہنما وزیر صحت بلوچستان بخت محمد کاکڑ نے کہا ہے کہ معرکہ حق دفاع پاکستان کا درخشاں باب ہے،معرکہ حق دراصل افواج پاکستان اور قوم کے اتحاد اور استقامت کی لازوال علامت ہے۔منگل کو معرکہ حق کی مناسب اپنے ایک بیان میں صوبائی وزیر صحت بخت محمد کاکڑ نے کہا کہ پاکستان کا معرکہ حق میں محض دشمن کو دندان شکن شکست دینا مقصود نہیں تھا بلکہ دفاعی میدان میں پیش قدمی ہمارا اہم ہدف تھا ، ہم اپنے بزدل دشمن کو پیغام دے چکے ہیں پاکستان اپنی سالمیت پر کوئی سمجھوتہ نہیں کرے گا۔انہوں نے کہا کہ پوری قوم اپنی نظریاتی اور جغرافیائی سرحدوں کے تحفظ کے لئے افواج پاکستان کے شانہ بشانہ کھڑی ہے۔انہوں نے کہا کہ معرکہ حق اس امر کی منادی ہے کہ بہادر افواج اور بہادر اقوام ملکراپنی سرزمین کا تحفظ دلیری سے کرتی ہیں ۔