ریلوے لائن منصوبہ جدید ٹرانسپورٹ نیٹ ورک کی بنیاد رکھے گا، سینیٹر محمد عبدالقادر

چیئرمین قائمہ کمیٹی برائے دفاعی پیداوار سینیٹر محمد عبدالقادر نے کہا ہے کہ وفاقی حکومت کی جانب سے گوادر سے جیکب آباد تک ریلوے لائن کیلئے زمین کے حصول کے عمل کا آغاز ایک اہم پیشرفت ہے جو نہ صرف بلوچستان بلکہ پورے ملک کے لیے معاشی و تزویراتی اہمیت رکھتی ہے یہ ریلوے لائن منصوبہ گوادر، تربت، پنجگور، بسیمہ، خضدار اور جیکب آباد کو آپس میں ملاتے ہوئے ایک ایسے جدید ٹرانسپورٹ نیٹ ورک کی بنیاد رکھے گا جو پسماندہ علاقوں کو قومی دھارے میں شامل کرنے میں مددگار ثابت ہو سکتا ہے یہ پیشرفت پاکستان کی اس وسیع تر حکمتِ عملی کا حصہ ہے جس کے تحت ایران تک زمینی راستوں کے ذریعے تجارت کو فروغ دینے کی کوشش کی جا رہی ہے خاص طور پر گوادر،گبد روٹ کو سب سے مختصر اور مو¿ثر راستہ قرار دیا جا رہا ہے، جس سے ترسیلی وقت میں 87 فیصد تک کمی متوقع ہے۔

چیئرمین قائمہ کمیٹی برائے دفاعی پیداوارسینیٹر محمد عبدالقادر نے کہا ہے کہ اس کے نتیجے میں نہ صرف پاکستان کی برآمدی صلاحیت میں اضافہ ہوگا بلکہ خطے میں تجارتی سرگرمیوں کو بھی نئی جہت ملے گی۔ یہ منصوبہ عالمی و علاقائی حالات کے تناظر میں بھی اہمیت اختیار کر گیا ہے، جہاں سمندری راستوں میں کسی بھی قسم کی رکاوٹ کی صورت میں متبادل زمینی راستے ناگزیر ہو چکے ہیں۔ اس ریلوے لائن کے ذریعے تیسرے ممالک کے لیے ایران تک محفوظ اور قابلِ اعتماد ترسیلی نظام فراہم کیا جا سکے گا جو پاکستان کو ایک اہم ٹرانزٹ حب بنانے میں معاون ہوگا۔ حکومت ملک کے دور دراز علاقوں کو ترقی کے مرکزی دھارے سے جوڑنے کیلئے ہر ممکن اقدامات کرے. اس منصوبے کو شفافیت، بروقت تکمیل اور مو¿ثر منصوبہ بندی کے ساتھ پایہ تکمیل تک پہنچایا گیا تو یہ منصوبہ بلوچستان کی معاشی حالت کو بہتر بنائے گا اور پاکستان کی علاقائی حیثیت کو بھی مضبوط کرے گا۔