عمر بڑھنے کے باوجود جوان رہنا چاہتے ہیں؟ تو ایک عادت آج ہی اپنالیں

عمر میں اضافہ ایسا عمل ہے جس کو روکنا کسی کے لیے ممکن نہیں اور ہر گزرتے برس کے ساتھ بڑھاپے کے آثار قدرتی طور پر نمایاں ہوتے ہیں۔

مگر کیا آپ کو معلوم ہے کہ ایک عادت سے آپ بڑھاپے کی جانب سفر کی رفتار سست کر سکتے ہیں؟

جی ہاں واقعی اس عادت کو اپنانے سے عمر میں اضافے کے باوجود کو جوان رکھنے اور اچھی صحت کو یقینی بنایا جاسکتا ہے۔

اس کے لیے بس سیاحت کو اپنی زندگی کا حصہ بنالیں۔

یہ بات آسٹریلیا میں ہونے والی ایک طبی تحقیق میں سامنے آئی۔

ایڈتھ کوون یونیورسٹی کی تحقیق میں بتایا گیا کہ سیاحت اور سفر کا مثبت تجربہ جسم اور ذہن دونوں کی صحت کے لیے بہترین ہوتا ہے اور اس سے بڑھاپے کی علامات کی رفتار کو سست کرنے میں مدد ملتی ہے۔

تحقیق کے مطابق سیاحت سے بڑھاپے کو مکمل طور پر تو نہیں روکا جاسکتا مگر معمولات زندگی سے کچھ دنوں کی دوری سے جسم کے لیے توازن برقرار رکھنا آسان ہو جاتا ہے جبکہ جسم کی اندرونی مرمت کا عمل بھی تیز ہو جاتا ہے۔

انہوں نے مزید بتایا کہ سیاحت سے شخصیت پر مثبت اثرات مرتب ہوتے ہیں جبکہ سماجی میل جول بڑھتا ہے جس سے بھی جذباتی صحت بہتر ہوتی ہے۔

ان کا کہنا تھا کہ سفر کرنے سے لوگوں کی جسمانی اور ذہنی صحت بہتر ہوتی ہے۔