شیری رحمان کی کوئٹہ میں چمن ریلوے پھاٹک پر خودکش دھماکے کی شدید مذمت

نائب صدر پیپلز پارٹی سینیٹر شیری رحمان نے کوئٹہ میں چمن ریلوے پھاٹک پر خودکش دھماکے کی شدید مذمت کرتے ہوئے کہاہے کہ بزدل دہشتگرد عناصر نہتے شہریوں کو نشانہ بنا کر قوم کے حوصلے پست نہیں کر سکتے، پاکستان متحد اور پرعزم ہے۔ اپنے بیان میں شیری رحمن نے کہاکہ دھماکے میں شہید ہونے والے افراد کیلئے دعائے مغفرت اور درجات کی بلندی جبکہ لواحقین کیلئے صبرِ جمیل کی دعا کرتی ہوں۔ انہوںنے کہاکہ زخمیوں کی جلد اور مکمل صحتیابی کیلئے دعا گو ہوں، مشکل کی اس گھڑی میں پوری قوم متاثرہ خاندانوں کے ساتھ کھڑی ہے۔ انہوںنے کہاکہ امن دشمن قوتیں خوف و ہراس پھیلا کر ملک کا استحکام متاثر کرنا چاہتی ہیں مگر قوم ان سازشوں کو ناکام بنائے گی۔ انہوںنے کہاکہ شہداءکی قربانیاں رائیگاں نہیں جائیں گی، دہشتگردی کے خاتمے کیلئے قومی عزم پہلے سے زیادہ مضبوط ہے۔ انہوںنے کہاکہ بزدلانہ حملے عوام کے حوصلے متزلزل نہیں کر سکتے، پوری قوم دہشتگردی کے خلاف متحد ہے۔