امریکہ اور ایران کے مابین حالیہ تاریخی سفارتی معاہدہ خوش آئند ہے،محمد صالح بھوتانی

بلوچستان عوامی پارٹی کے صوبائی صدر سردار محمدصالح بھوتانی نے امریکہ اور ایران کے مابین حالیہ تاریخی سفارتی معاہدے اور خطے میں کشیدگی کے خاتمے کے لیے فیلڈ مارشل سید عاصم منیر کی غیر معمولی، مدبرانہ اور دور اندیش قیادت کو خراجِ عقیدت پیش کرتے ہوئے کہا ہے کہ فیلڈ مارشل کی حکمت، تدبر اور وطن سے غیر متزلزل وفاداری نے پاکستان کو ایک ذمہ دار ریاست کے طور پر عالمی سطح پر منوایا اور ثابت کیا کہ پاکستان امن کا داعی، استحکام کا ضامن اور عالمی برادری کا قابلِ اعتماد شراکت دار ہے ان کی انتھک سفارتی کاوشیں تاریخ میں سنہری حروف سے لکھی جائیں گی۔ انہوں نے کہا کہ اس موقع پر میں وزیرِاعظم پاکستان میاں محمد شہباز شریف کی بالغ نظری، سیاسی بصیرت اور جرات مندانہ قیادت کو بھی سلام پیش کرتا ہوں ان کی قیادت میں حکومتِ پاکستان نے انتہائی پیچیدہ عالمی حالات میں نہایت وقار اور تدبر سے پاکستان کے قومی مفادات کا تحفظ کیا اور عالمی امن کے لیے راہ ہموار کی۔