ایچ بی ایل پی ایس ایل 11 میں پشاور زلمی نے بابر اعظم کی سنچری کی بدولت کوئٹہ گلیڈی ایٹرز کے خلاف پی ایس ایل کی تاریخ کا تیسرا سب سے بڑا اسکور بنادیا۔
کراچی میں کھیلے جا رہے میچ میں کوئٹہ گلیڈی ایٹرز نے پشاور زلمی کے خلاف ٹاس جیت کر فیلڈنگ کا فیصلہ کیا۔
پشاور زلمی نے پہلے کھیلتے ہوئے مقررہ 20 اوورز میں 3 وکٹوں کے نقصان پر 255 رنز بنائے، یہ پی ایس ایل کا تیسرا سب سے بڑا ٹوٹل ہے۔
پشاور زلمی کی جانب سےکپتان بابر اعظم نے اننگز کی آخری گیند پر 2 رنز بناکر ٹی ٹوئنٹی کی اپنی بارہویں سنچری مکمل کی۔
بابرا عظم نے سنچری 52 گیندوں پر اسکور کی ، جس میں 6 چوکے اور 4 چھکے شامل تھے۔
ان کے علاوہ کوشال مینڈس نے 83 رنز کی اننگز کھیلی۔
کوئٹہ کی جانب سے عثمان طاق، ابرار احمد اور جوزف نے ایک ایک وکٹ لی۔
Leave a Reply