نادرا اپنی خدمات کو مزید مو¿ثر اور عوام دوست بنانے کےلئے جدید ٹیکنالوجی کا استعمال جاری رکھے،ڈپٹی چیئرمین سینٹ

ڈپٹی چیئرمین سینیٹ سیدال خان نے کہا ہے کہ بلوچستان کے دور دراز اور پسماندہ علاقوں میں رہنے والے شہریوں کو رجسٹریشن کے عمل میں مشکلات کا سامنا ہے جس کے لیے فوری اور مو¿ثر اقدامات کی ضرورت ہے تاکہ ہر شہری کو بروقت شناختی دستاویزات تک رسائی حاصل ہو سکے۔یہ بات انہوں نے چیئرمین نادرا لیفٹیننٹ جنرل محمد منیر افسر سے ملاقات کے دوران بات چیت کرتے ہوئے کہی ملاقات میں باہمی دلچسپی کے امور، ادارہ جاتی کارکردگی اور عوام کو فراہم کی جانے والی سہولیات پر تفصیلی تبادلہ خیال کیا گیا۔

ملاقات کے دوران چیئرمین نادرا نے ادارے کے جاری مختلف منصوبوں، ڈیجیٹل اصلاحات اور رجسٹریشن کے نظام میں بہتری سے متعلق ڈپٹی چیئرمین سینیٹ کو بریفنگ دی۔ ڈپٹی چیئرمین سینیٹ نے نادرا کی مجموعی کارکردگی کو سراہتے ہوئے کہا کہ ادارہ جدید ٹیکنالوجی کے ذریعے عوام کو بہتر سہولیات فراہم کر رہا ہے۔انہوں نے چیئرمین نادرا کی پیشہ ورانہ مہارت اور قائدانہ صلاحیتوں کو بھی خراجِ تحسین پیش کیا اور کہا کہ ان کی قیادت میں نادرا کو بین الاقوامی سطح پر نمایاں مقام حاصل ہوا ہے اور مختلف عالمی معاہدوں کا حصول ایک حوصلہ افزا پیش رفت ہے۔ڈپٹی چیئرمین سینیٹ سیدال خان نے خصوصاً صوبہ بلوچستان کے عوام کو شناختی کارڈ کے حصول میں درپیش مشکلات کا معاملہ اٹھایا۔ انہوں نے کہا کہ دور دراز اور پسماندہ علاقوں میں رہنے والے شہریوں کو رجسٹریشن کے عمل میں مشکلات کا سامنا ہے، جس کے لیے فوری اور مو¿ثر اقدامات کی ضرورت ہے۔

ڈپٹی چیئرمین سینیٹ سیدال خان نے زور دیا کہ بلوچستان سمیت ملک کے دیگر دور افتادہ علاقوں میں نادرا کے رجسٹریشن سینٹرز کو مزید فعال بنایا جائے، موبائل رجسٹریشن سروسز کو وسعت دی جائے اور عوام کو زیادہ سے زیادہ سہولیات فراہم کی جائیں تاکہ ہر شہری کو بروقت شناختی دستاویزات تک رسائی حاصل ہو سکے۔ڈپٹی چیئرمین سینیٹ نے اس بات پر بھی زور دیا کہ نادرا اپنی خدمات کو مزید مو¿ثر اور عوام دوست بنانے کے لیے جدید ٹیکنالوجی کا استعمال جاری رکھے اور خصوصی طور پر کمزور طبقات کی سہولت کو ترجیح دے۔ملاقات میں اس عزم کا اظہار کیا گیا کہ عوام کو بہتر خدمات کی فراہمی اور ادارہ جاتی کارکردگی میں مزید بہتری کے لیے مشترکہ کاوشیں جاری رکھی جائیں گی۔