حاجی علی مدد جتک کے ایم پی اے فنڈ ز سے کلی بادینی سریاب میں ترقیاتی منصوبوں پرتیزی سے کام جاری

پاکستان پیپلز پارٹی کے مرکزی رہنما، صوبائی وزیر اور حلقہ کے عوامی نمائندے حاجی علی مدد جتک کے ایم پی اے فنڈز سے کلی بادینی سریاب میں جاری ترقیاتی منصوبوں پر کام تیزی سے جاری ہے، جس سے علاقے کی تعمیر و ترقی کا نیا دور شروع ہوگیا ہے۔ ان منصوبوں میں سڑکوں کی تعمیر و مرمت، نکاسی آب کے نظام کی بہتری، گلیوں کی پختگی اور دیگر بنیادی سہولیات کی فراہمی شامل ہے۔علاقہ مکینوں نے ترقیاتی کاموں کی رفتار کو خوش آئند قرار دیتے ہوئے کہا ہے کہ ان منصوبوں کی تکمیل سے نہ صرف دیرینہ مسائل حل ہوں گے بلکہ روزمرہ زندگی میں بھی نمایاں آسانیاں پیدا ہوں گی۔ عوام کا کہنا ہے کہ ماضی میں بنیادی سہولیات کی کمی کے باعث انہیں شدید مشکلات کا سامنا تھا، تاہم موجودہ ترقیاتی اقدامات سے علاقے کی صورتحال میں واضح بہتری آرہی ہے۔