وائس چانسلر ڈاکٹر عبدالرزاق صابر ،پرو وائس چانسلر ڈاکٹر منظور احمد ، ڈاکٹر ارشاد اور ان کے دیگر ساتھی بحفاظت بازیاب

معاون برائے داخلہ حکومت بلوچستان بابر یوسفزئی نے کہا ھے کہ وائس چانسلر گوادر یونیورسٹی ڈاکٹر عبدالرزاق صابر اور پرو وائس چانسلر ڈاکٹر منظور احمد ، ڈاکٹر ارشاد اور ان کے دیگر ساتھیوں کی بحفاظت بازیابی پر اللہ تعالیٰ کا شکر ادا کرتے ہیں۔ سیکیورٹی اداروں نے بروقت اور مو¿ثر کارروائی کرتے ہوئے ا±س گاڑی کو تحویل میں لیا جس میں یہ حضرات سفر کر رہے تھے، جبکہ ملزمان کا تعاقب کرتے ہوئے انہیں گھیرے میں بھی لے لیا گیا تھا۔ الحمدللہ تمام لاپتہ شخصیات کو بحفاظت بازیاب کروا لیا گیا اور وہ خیریت کے ساتھ اپنے گھروں کو پہنچ گئے ہیں۔

ہم قانون نافذ کرنے والے اداروں اور سیکیورٹی فورسز کی پیشہ ورانہ صلاحیتوں، فوری ردعمل اور کاوشوں کو خراجِ تحسین پیش کرتے ہیں۔ حکومتِ بلوچستان عوام کے جان و مال کے تحفظ کے لیے ہر ممکن اقدامات جاری رکھے گی اور ایسے عناصر کے خلاف سخت کارروائی عمل میں لائی جائے گی جو امن و امان کو نقصان پہنچانے کی کوشش کرتے ہیں۔