قرآن نے سود لینے سے منع کیا لیکن پاکستان کا آدھا بجٹ سودکی نذر ہورہا ہے: سینیٹر دنیش کمار

سینیٹر دنیش کمار  نےکہا کہ قرآن نے سود لینے سے منع کیا لیکن پاکستان کا آدھا بجٹ سود کی نذر ہورہا ہے۔

سینیٹ اجلاس سے خطاب کرتے ہوئے سینیٹر دنیش کمار  نے کہا ہم بجٹ کا 50 فیصد اللہ اور رسول سے جنگ پر خرچ کر رہے ہیں۔

دنیش کمار  نےکہا  قرآن نے سود لینے سے منع کیا لیکن پاکستان کا آدھا بجٹ سود کی نذر ہورہا ہے، سینیٹر دنیش کمار  نے اجلاس کے دوران سود سے متعلق قرآن کی آیات بھی پڑھ دیں۔

سینیٹر دنیش کمار نے ایوان میں اظہار خیال کرتے ہوئے پیٹرول کی اسمگلنگ پر بھی بات کی، انہوں نے کہا پیٹرول اسمگل کرکے لانا بہت مشکل کام ہے، کون اتنا مشکل کام کرنا چاہےگا، اپنے بچوں کا پیٹ پالنے کیلئے کیا جاتا ہے۔

دنیش کمار بولے جو ایران کے بارڈر سے پیٹرول لاتے ہیں وہ کن مشکلات سےگزرتے ہیں، دنیش کمار نے زور دیاکہ حکومت ایران سے پیٹرول لانےکو لیگل کرلے۔

سینیٹر دنیش کمار کا مزید کہنا تھا کہ فیلڈ مارشل سید عاصم منیر نے تیسری عالمی جنگ روک دی۔