پسنی کے قریب فجیرہ سے آنے والے آئل ٹینکر میں کریو کے رہائشی حصے میں لگنے والی آگ بجھا دی گئی

کراچی پورٹ پر لنگرانداز بحری جہاز میں آگ لگ گئی جسے بجھا دیا گیا۔

پاکستان نیشنل شپنگ کارپوریشن (پی این ایس سی) ذرائع کے مطابق پسنی کےقریب تیل بردارجہاز میں آگ لگنے کا واقعہ پیش آیا، آگ کریو کے رہائشی حصےمیں لگی اور کیپٹن کا کمرہ زیادہ متاثر ہوا۔

پی این ایس سی ذرائع نے بتایاکہ جہاز پرلگی آگ اپنی مدد آپ کے تحت بجھائی گئی۔

پی این ایس سی ذرائع کا کہنا ہے کہ جہاز فجیرہ سےساڑھے 8 کروڑ لیٹر تیل لےکراچی پورٹ پرلنگرانداز ہوگیا۔

پی این ایس سی منیجمنٹ نے جہاز کا دورہ بھی کیا اور حکام نے کہا ہے کہ بحری جہاز پر حادثات معمول کی بات ہے۔