کسی بھی قوم کا مستقبل اس کے بچوں سے وابستہ ہوتا ہے ،،ڈپٹی کمشنر سبی

ضلع سبی میں پیرنٹنک ماہ کے موقع پر ایک روزہ سیمینار اور آگاہی واک کا انعقاد کیا گیا ڈپٹی کمشنر سبی میجر رئیائرڈ الیاس کبزئی نے قیادت کی،واک ڈپٹی کمشنر آفس سے مین گیٹ تک نکالی گئی،اسسٹنٹ کمشنر سبی سید منصور شاہ نے واک قیادت کی۔ضلعی انتظامیہ سبی، محکمہ صحت بلوچستان، بلوچستان نیوٹریشن ڈائریکٹوریٹ اور یونیسیف کے مشترکہ تعاون سے پیرنٹنک ماہ کے حوالے سے ایک روزہ سیمینار اور آگاہی واک منعقد کیا گیا۔ سیمنار میں ڈپٹی کمشنر سبی میجر ریٹائرڈ الیاس کبزئی ، اسسٹنٹ کمشنر منصور شاہ ، ڈسٹرکٹ ایجوکیشن آفیسر عبد الستار لانگو ، میڈیکل سپرنٹینڈنٹ ٹیچنگ ہسپتال ڈاکٹر جہانزیب بلوچ، پولیو آفیسر ورلڈ ہیلتھ آرگنائزیشن ڈاکٹر صلاح الدین، اے ڈی ایچ او ڈاکٹر سنیل ، ڈپٹی ڈائریکٹر بینظیر انکم سپورٹ پروگرام محمد آصف بگٹی اسسٹنٹ ڈائریکٹر منیر احمد گورگیج ، بینظیر وومن سینٹر کے مس رخشندہ، ڈسٹرکٹ ڈیٹا آفیسر تعمیر خلق فاو¿نڈیشن ریاض احمد بلوچ ، مذہبی رہنما صوفی سلیمان ،ڈسٹرکٹ کوآرڈینیٹر آئی ایس ڈی میر وائس خان، مانیٹرنگ آفیسر ہیلتھ شعیب احمد خجک ، ڈسٹرکٹ سپورٹ آفیسر لیڈی ہیلتھ ورکرز پروگرام مس بانو ارباب، فیسلیٹیشن سینٹر بینظیر نشوونما پروگرام مس رابعہ عزیز، ڈسٹرکٹ پروگرام آفیسر اسلامک ریلیف حفیظ اللہ رئیسانی ، آفس اسسٹنٹ پی پی ایچ آئی شوکت علی اور بڑی تعداد میں سول سوسائٹی، محکمہ صحت، اساتذہ اور خواتین و حضرات نے شرکت کی۔سیمینار سے ڈپٹی کمشنر سبی، میجر ریٹائرڈ الیاس کبزئی ،ڈسٹرکٹ ایجوکیشن آفیسر عبد الستار لانگو، پرنسپل گرلز ہائی سکول مس منزہ نورین، بینظیر وومن سینٹر کے مس رخشندہ، ڈسٹرکٹ سپورٹ آفیسر لیڈی ہیلتھ ورکرز پروگرام مس بانو ارباب اور ڈسٹرکٹ نیوٹریشن کوآرڈینیٹر حاجی بلوچ نے خطاب کرتے ہوئے کہا کہ کسی بھی قوم کا مستقبل اس کے بچوں سے وابستہ ہوتا ہے اور بچوں کی شخصیت و مستقبل والدین کی آغوش میں تشکیل پاتا ہے۔