اسلام آباد: وفاقی وزیر داخلہ محسن نقوی کی دعوت پر ایرانی وزیر داخلہ اسکندر مومنی پاکستان پہنچ گئے۔
ایرانی وزیر داخلہ اسکندر مومنی کی اعلیٰ سطح وفد کے ہمراہ پاکستان آمد کے موقع پر وفاقی وزیرداخلہ محسن نقوی نے ائیرپورٹ پر استقبال کیا۔
وزیر مملکت داخلہ طلال چوہدری نے ایرانی وزیر داخلہ اسکندر مومنی کو گلدستہ پیش کیا۔ایرانی سفیر رضا امیری مقدم اس موقع پر موجود تھے ۔
ایرانی وزیر داخلہ کے ہمراہ اعلیٰ سطحی وفد میں گورنر جنرل سیستان بلوچستان، نائب وزیر داخلہ، نائب وزیر اربن ڈویلپمنٹ ٹرانسپورٹ، نیشنل ایرانی آئل کمپنی کے سربراہ، وزیر زراعت کے خصوصی نمائندے اور دیگر اعلی حکام شامل ہیں ۔
ایرانی وزیر داخلہ اسکندر مومنی نے میڈیا سے گفتگو میں کہا کہ دورے کا بنیادی مقصد دونوں ممالک کے درمیان تعلقات کو مزید فروغ دینا ہے، علاقائی تعاون اور خطے کی صورتحال بھی دورے کے اہم موضوعات میں شامل ہے۔
Leave a Reply