شوہر نے غیرت کے نام پر فائرنگ کرکے اپنی بیوی کو قتل کر دیا

نصیرآباد فائرنگ کے دو مختلف واقعات خاتون سمیت دو افراد کو قتل کردیا گیا شوہر نے غیرت کے نام پر فائرنگ کرکے اپنی بیوی کو قتل کر دیا جبکہ گوٹھ جان محمد جمالی میں رشتے کے تنازعے پر ایک شخص کو موت کے گھاٹ اتار دیا گیا پولیس کے مطابق نصیراباد کے علاقے پولیس تھانہ منگولی کی حدود گوٹھ سید اختر شاہ میں شوہر محبوب علی کٹوہر مگسی نے مبینہ طورپر سیاہ کاری کے الزام میں فائرنگ کرکے اپنی 23 سالہ بیوی مسماتہ مختیارہ بی بی کو قتل کردیا اور موقع واردات سے فرار ہوگئے واقعے کی اطلاع پر پولیس جائے وقوع پر پہنچ کر لاش کو اپنی تحویل میں لیکر ٹیچنگ ہسپتال ڈیرہ مراد جمالی منتقل کردیا گیا جہاں ضروری کاروائی کے بعد لاش ورثاء کے حوالے کردی گئی۔

منگولی پولیس نے شوہر محبوب مگسی کے خلاف قتل کا مقدمہ درج کرکے گرفتار کی کوشیش تیز کردی گئی ہے جبکہ صدر پولیس تھانہ ڈیرہ مراد جمالی کے قریب اوچ پاور ایریا گوٹھ جان محمد جمالی میں رشتے کے تنازعے پر مسلح افراد کی فائرنگ سے احمد ولد غلام محمد جاگیرانی موقع پر ہی جانبحق ہوگیا واقعے کے بعد ملزمان فرار ہوگئے تاہم پولیس نے فوری کاروائی کرتے ہوے واقع میں ملوث ایک ملزم کو گرفتار کر لیا گیا اطلاع ملنے پر پولیس موقع پر پہنچ کر لاش اپنی تحویل میں لیکر ہسپتال منتقل کردی جہاں ضروری کاروائی کے بعد لاش ورثائ کے حوالے کردی واقعے کے بارے میں مذید تحقیقات صدر پولیس کر رہی ہے ۔