ٹرمپ پاکستان کی بات ماننے پر آمادہ ہو جاتا ہے،سینیٹر محمد عبدالقادر

چیئرمین قائمہ کمیٹی برائے دفاعی پیداوار سینیٹر محمد عبدالقادر نے کہا ہے کہ ابھی تک امریکہ اور ایران کے درمیان کوئی امن معاہدہ تو نہیں ہو سکا لیکن بہرحال ٹرمپ کا یہ کہنا کہ یہ جو جنگ بندی میں توسیع ہوئی ہے یہ پرائم منسٹر شہباز شریف اور فیلڈ مارشل عاصم منیر کے کہنے پر کی گئی ہے یہ پاکستان کی بہت بڑی سفارتی کامیابی اور یہ اعزاز کی بات ہے دنیا یہ جانتی ہے کہ وہ ٹرمپ جو دنیا میں کسی کی بات نہیں مانتا اور کسی کے انفلوئنس میں نہیں آ رہا تو وہ پاکستان کے اتنے انفلوئنس میں ہے کہ وہ پاکستان کے دونوں عسکری اور سول لیڈرز کی بات مان کر امریکہ ایران جنگ بندی میں توسیع کر رہا ہے بھارت کے حوالے سے خطے میں پاکستان کی پوزیشن بہت مضبوط نظر آتی ہے ٹرمپ بھارت کی بات سننے کو تیار نہیں ہے جبکہ پاکستان کی بات ماننے پر آمادہ ہو جاتا ہے۔ یہاں جاری ہونے والے ایک بیان میں چیئرمین قائمہ کمیٹی برائے دفاعی پیداوار نے مزید کہا ہے کہ شاید ہی کوئی ایسا ملک ہو یا شاید ہی کوئی ایسی سیاسی اور عسکری شخصیات ہوں جن کی بات مانی جا رہی ہو اور وہ ٹرمپ کے فیصلوں پہ اثر انداز بھی ہو رہی ہوں اس اعتبار سے دیکھا جائے تو یہ پاکستان کی بہت بڑی سفارتی کامیابی ہے ایسے میں عالمی سطح پر پاکستان کا سکہ چلتا ہوا دکھائی دیتا ہے ٹرمپ پر وزیراعظم شہباز شریف اور فیلڈ مارشل عاصم منیر کا اتنا زیادہ انفلوینس پاکستان کو بھارت پر واضح برتری دیتا ہے. اسی وجہ سے عالمی سطح پر پاکستان کے وقار میں اضافہ ہوا ہے دنیا پاکستان کی امن پسندانہ کوششوں کو سراہ رہی ہے جبکہ امریکی-اسرائیل ایران جنگ میں بھارت نے واضح طور پر اسرائیل کا ساتھ دیا اور اسرائیل کے ساتھ بے توقیری اور عالمی تنہائی کا شکار ہوگیا۔