چین کے تعاون سے بلوچستان میں زچہ و بچہ صحت کا منصوبہ شروع

کوئٹہ۔بلوچستان کے شعبہ صحت کےلئے ایک اہم پیش رفت سامنے آئی ہے جہاں صوبائی حکومت نے چین کے تعاون سے زچہ و بچہ کی صحت کی سہولیات بہتر بنانے کے لیے ایک جامع منصوبہ شروع کر دیا ہے۔یہ منصوبہ پاک چین تعاون کے فروغ کی عکاسی ہے،یہ منصوبہ صوبے کے سات اضلاع میں نافذ کیا جائے گا۔گوادر پرو کے مطابق حکام کے مطابق یہ منصوبہ صوبے کے صحت کے نظام میں ایک انقلابی اقدام ثابت ہوگا، جس کے تحت تقریباً 100 طبی مراکز کی سہولیات کو اپ گریڈ کیا جائے گا۔ ان اقدامات سے خاص طور پر پسماندہ اور دور دراز علاقوں میں ماو¿ں اور بچوں کے لیے معیاری طبی سہولیات تک رسائی میں اضافہ متوقع ہے۔

جہاں صحت کے اشاریے ماضی میں قومی اوسط سے کم رہے ہیں۔وزیراعلیٰ بلوچستان میر سرفراز بگٹی نے ایک بیان میں کہاکہ ہم اس اہم تعاون پر حکومتِ چین کے بے حد شکر گزار ہیں، یہ منصوبہ پاکستان اور چین کے درمیان مضبوط تعلقات کا مظہر ہے اور زچہ و بچہ کی صحت کو اولین ترجیح دی جا رہی ہے۔محکمہ صحت کے حکام نے بتایا کہ منصوبے کے ذریعے نہ صرف طبی مراکز کی بنیادی سہولیات کو بہتر بنایا جائے گا بلکہ خدمات کی فراہمی کے معیار کو بھی بلند کیا جائے گا تاکہ حاملہ خواتین اور نومولود بچوں کو بروقت اور مو¿ثر علاج فراہم کیا جا سکے۔انہوں نے کہا کہ اس منصوبے سے بلوچستان میں زچگی اور بچوں کی اموات کی شرح میں کمی لانے میں مدد ملے گی جو ایک عرصے سے ایک بڑا مسئلہ رہا ہے۔