نواب ثناءاللہ زہری کا میر زید حسین جکھرانی کے انتقال پر گہرے دکھ اور افسوس کا اظہار

کوئٹہ۔پاکستان پیپلز پارٹی کے مرکزی رہنماءو سابق وزیراعلیٰ بلوچستان چیف آف جھالاوان نواب ثناءاللہ خان زہری نے رکن قومی اسمبلی میر اعجاز حسین جکھرانی کے صاحبزادے میر زید حسین جکھرانی کے انتقال پر گہرے دکھ اور افسوس کا اظہار کیا ہے اپنے تعزیتی بیان میں نواب ثناءاللہ خان زہری نے کہا کہ اس دکھ کی گھڑی میں وہ میر اعجاز جکھرانی اور ان کے اہل خانہ کے غم میں برابر کے شریک ہیں۔ انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے درجات بلند کرے انہوں نے کہا کہ نوجوان صاحبزادے کے انتقال کا صدمہ انتہائی گہرا اور ناقابلِ تلافی نقصان ہے۔ اس مشکل گھڑی میں وہ سوگوار خاندان کے ساتھ کھڑے ہیں۔ نواب ثناءاللہ خان زہری نے مزید دعا کی کہ اللہ تعالیٰ لواحقین کو صبرِ جمیل عطا فرمائے اور اس عظیم صدمے کو برداشت کرنے کی ہمت دے۔