پسنی،شمالبندن چر کے ساحلی علاقوں میں درجنوں غیر قانونی ٹرالرز کی یلغار، حکومتی نااہلی اور مبینہ سرپرستی پر سوالات اٹھ گئے، غریب ماہی گیروں کا روزگار تباہی کے دہانے پر، محکمہ فشریز اور متعلقہ ادارے خاموش تماشائی، سمندری حیات کی بے دریغ نسل کشی پر شدید عوامی غم و غصہ،یوسی چربندن کے کونسلر اور مقامی ماہی گیر شوکت وشدل نے درجنوں ٹرالرز کی ویڈیوز وائرل کردیں۔
تفصیلات کے مطابق پسنی کے علاقے شمالبندن چر کے سمندری حدود میں منگل کے روز غیر قانونی ٹرالرز کی خطرناک حد تک بڑھتی ہوئی موجودگی نے مقامی ماہی گیروں میں شدید خوف، غصے اور بے چینی کی لہر دوڑا دی ہے۔ اطلاعات کے مطابق درجنوں بڑے ٹرالرز دیدہ دلیری کے ساتھ ساحلی حدود میں داخل ہوکر غیر قانونی ٹرالنگ میں مصروف رہے جبکہ محکمہ فشریز اور دیگر کوسٹل سیکیورٹی متعلقہ ادارے مکمل طور پر بے بس اور خاموش دکھائی دیے
Leave a Reply