پاکستان کی مخلصانہ کاوشیں خطے میں پائیدار امن کی راہ ہموارکرسکتی ہیں: ایرانی سفیر

پاکستان میں ایران کے سفیر رضا امیری مقدّم کا کہنا ہے کہ پاکستانی حکومت اور فوج کی مخلصانہ کاوشیں خطے میں پائیدار امن کی راہ ہموار کر سکتی ہیں۔

اپنے ایک بیان میں سفیر رضا امیری مقدّم نے کہا ہے کہ وزیر داخلہ محسن نقوی نے تہران سے پاکستان واپسی پر انہیں فون کیا اور ایران کے ساتھ مذاکرات کی کامیابیوں پر مبارکباد دی۔

رضا امیری مقدّم کا کہنا تھا کہ وزیراعظم شہبازشریف اور فیلڈ مارشل عاصم منیرکی ثالثی کی کوششیں قابلِ قدر ہیں، نائب وزیراعظم اسحاق ڈار اور وزیر داخلہ محسن نقوی نے خلوص کے ساتھ سفارتی کردار ادا کیا۔

انہوں نے یہ بھی کہا کہ پاکستانی حکومت اور فوج کی مخلصانہ کاوشیں خطے میں پائیدار امن کی راہ ہموارکرسکتی ہیں جبکہ ایرانی مسلح افواج کی ثابت قدمی اور جراتمندانہ مزاحمت نے مذاکراتی عمل کو تقویت دی۔

 رضا امیری مقدّم نے مزید کہا کہ بہادر ایرانی قوم کی مزاحمت نے مذاکرات میں اہم کردار ادا کیا، پاکستان کی ثالثی کی پہل اور مخلصانہ کوششیں بھی اس پیشرفت کا اہم سبب ہیں۔