ٹرمپ کا ایران پر مزید حملوں کا اعلان، پی ایس ایکس میں شدید مندی، 100 انڈیکس 3500 پوائنٹس گرگیا

کراچی: امریکی صدر ٹرمپ کے  ایران  پر  حملے  بڑھانے کے  اعلان کے  بعد پاکستان اسٹاک ایکسچینج میں آج  شدید مندی کا  رجحان  رہا۔

جمعرات کو کاروبار کے آغاز سے ہی پاکستان اسٹاک ایکسچینج میں شدید مندی دیکھی گئی اور ابتدا میں ہی  100 انڈیکس 3763 پوائنٹس کم ہوکر 151748 پر چلا گیا۔

کاروبار کے دوران مارکیٹ میں مزید منفی رجحان دیکھنے میں آیا اور 100 انڈیکس 4088 پوائنٹس کم ہوکر 151423 پر چلا گیا۔

کاروبار کے اختتام پر  100 انڈیکس 3500 پوائنٹس کمی سے 152011 پر بند ہوا۔

بازار میں آج 35 کروڑ شیئرز کے سودے 19 ارب روپے میں ہوئے۔ مارکیٹ کیپٹلائزیشن 332 ارب روپے کم ہوکر 16883 پر بند ہوا۔

دوسری جانب  ایران جنگ جاری رکھنے کے امریکی صدر کے  اعلان کے بعد عالمی منڈی میں خام تیل کی قیمتیں بڑھ گئیں۔  برینٹ خام تیل7 فیصد اضافے کے بعد 109 ڈالر فی بیرل پر پہنچ گیا، امریکی خام تیل کی بھی 108 ڈالر میں فروخت ہو رہا ہے۔