شہید پولیس اہلکار فیصل شاہ کی نماز جنازہ جمعہ کو پولیس لائن کوئٹہ میں ادا کردی گئی نماز جنازہ میں وزیرداخلہ بلوچستان میرضیاءاللہ لانگو آئی جی پولیس بلوچستان محمد طاہر رائے، ایڈیشنل چیف سیکرٹری داخلہ حمزہ شفقات سمیت دیگر حکام نے شرکت کی ۔شہید اہلکار فیصل شاہ کو پولیس کے چاک وچوبند دستے نے سلامی پیش کی۔وزیرداخلہ بلوچستان میرضیاءاللہ اور آئی جی پولیس کی شہید اہلکار کے لواحقین سے ملاقات،تعزیت وفاتحہ خوانی کی۔
وزیرداخلہ بلوچستان میرضیاءلانگو نے کہا کہ شہید اہلکارفیصل شاہ کی قربانی پر پوری قوم کو فخر ہے،واقعہ میں ملوث عناصر کو کیفرکردار تک پہنچایا جائے گا۔وزیرداخلہ بلوچستان نے کہا کہ حکومت لواحقین کے غم میں برابر کے شریک ہے ۔یاد رہے کہ گزشتہ ماہ پشتون آباد کے علاقے میں شہید پولیس اہلکار فیصل شاہ کو نشانہ بنایا گیاتھاشہید اہلکار گذشتہ شب ہسپتال میں زخموں کی تاب نہ لاتے شہید ہوگیا تھا۔
Leave a Reply