مستونگ ،وائس چانسلر اور پرووائس چانسلر گوادر یونیورسٹی سمیت3افراد کو مبینہ طور پر اغواءکرلیا گیا

مستونگ کے علاقے سے وائس چانسلر اور پرووائس چانسلر گوادر یونیورسٹی سمیت3افراد کو مبینہ طور پر اغواءکرلیا گیا۔ معاون برائے داخلہ حکومت بلوچستان بابر یوسفزئی نے بتایا کہ وائس چانسلرگوادر یونیورسٹی پروفیسر ڈاکٹر رزاق صابر ، پرو وائس چانسلر ڈاکٹر منظوراحمد،پی ایس ٹو وائس چانسلرارشاد احمد گزشتہ روز مستونگ کے قریب سے لاپتہ ہوئے اورانکے موبائل فونز بندہیں اور سیکیورٹی ادارے ٹریسنگ میں مصروف ہیں۔ انہوں نے بتایا کہ گوادر سے کوئٹہ سفر کے دوران وائس چانسلر اور پرو وائس چانسلر کا مستونگ کے قریب رابطہ منقطع ہواسیکیورٹی ادارے اور ضلعی انتظامیہ مشترکہ طور پر بازیابی کیلئے کوششیں کر رہے ہیں۔انہوں نے کہا کہ معاملے کی ہر پہلو سے تحقیقات جاری، متعلقہ ادارے متحرک ہیں حکومت بلوچستان معاملے کو انتہائی سنجیدگی سے دیکھ رہی ہے ۔