‘طاقت ہی وہ واحد زبان ہے جسے امریکی صدر ٹرمپ سمجھتے ہیں’: ایرانی عہدیدار

ایرانی پارلیمنٹ کی نیشنل سکیورٹی کمیشن کے سربراہ ابراہیم عزیزی نے کہا ہے کہ ٹرمپ کی کسی نئی جارحانہ کارروائی سے ہچکچاہٹ کی واحد وجہ ایرانی افواج کے فیصلہ کن ردعمل اور ایرانی عوام کے اتحاد کا خوف ہے۔

ابراہیم عزیزی نے ایکس پر بیان جاری کرتے ہوئے کہا کہ ٹرمپ جانتے ہیں کہ ایران کے خلاف کسی بھی اقدام کا مطلب ایک فیصلہ کن فوجی ردِعمل اور ایک متحد قوم کا سامنا کرنا ہوگا۔

یہ بات واضح ہے کہ وہ خلیجی ممالک کے رہنماؤں کی ثالثی کو کوئی اہمیت نہیں دیتے۔

ابراہیم عزیزی نے مزید کہا کہ طاقت ہی وہ واحد زبان ہے جسے ٹرمپ سمجھتے ہیں۔