حکومت عوامی مسائل کے حل کےلئے سنجیدہ اقدامات کر رہی ہے،جمال خان رئیسانی

رکن قومی اسمبلی نوابزادہ میر جمال خان رئیسانی نے سیکریٹری مواصلات و تعمیرات بابر خان سے ملاقات کی جس میں صوبائی دارالحکومت کوئٹہ کے علاقے سریاب میں جاری ترقیاتی منصوبوں اور عوامی فلاحی اسکیموں پر تفصیلی تبادلہ خیال کیا گیاملاقات کے دوران سیکریٹری مواصلات و تعمیرات بابر خان نے رکن قومی اسمبلی نوابزادہ میر جمال خان رئیسانی کو سریاب میں جاری ترقیاتی منصوبوں پر پیش رفت کے حوالے سے جامع بریفنگ دی بریفنگ میں سڑکوں کی تعمیر و مرمت نکاسی آب کے منصوبوں شہری انفراسٹرکچر کی بہتری گلیوں کی پختگی اسٹریٹ لائٹس کی تنصیب اور دیگر عوامی سہولیات سے متعلق منصوبوں کی موجودہ صورتحال سے آگاہ کیا گیاسیکریٹری مواصلات و تعمیرات بابر خان نے بتایا کہ سریاب کے مختلف علاقوں میں ترقیاتی کام تیزی سے جاری ہیں اور ان منصوبوں کی بروقت تکمیل کے لیے تمام دستیاب وسائل بروئے کار لائے جا رہے ہیں تاکہ عوام کو بنیادی سہولیات کی فراہمی یقینی بنائی جا سکے۔