قلات میں سولر لائٹس کی مرمت کیلئے 80لاکھ روپے کے فنڈز منظور کروائے

کروڑوں روپے کی لاگت سے تنصیب ہونے والے سولر لائٹس کی مرمت کے لئے میں نے امسال اسی لاکھ روپے منظور کرایا لیکن ٹھیکیدار کی ملی بھگت سے چند لائٹس کو مرمت ہو سکیں باقی جوں کے توں ہیں حالانکہ یہ عوامی اسکیم ہے اور عوام کی سہولت اس میں پنہاں ہیں عوام کی خدمت کو میں عبادت سمجھتا ہوں ان خیالات کا اظہار سابق ایم این اے بی بی روبینہ عرفان نے اپنے ایک اخباری بیان میں کیا ہے۔

انھوں نے کہا آج سے چار سال قبل قلات کےہاءوے روڈ اور گلیوں میں سولر اسٹریٹ لائٹس میں نے اپنے فنڈ سے لگوایا۔ جس سے نہ صرف روڈ و گلیاں روشن تھے۔بلکہ ڈکیتوں آور چوریوں میں نمایاں کمی دیکھنے میں آیا یہ لائیٹس عوامی مقامات جیسے مساجد ،بازار، تعلیمی اداروں کے نزدیک تنصیب کرایا گیا۔ان میں سے اکثر خراب ہو گئے تھے انکے بحالی اور مرمت کے لئیے سابق ڈپٹی کمشنر قلات جمیل بلوچ نے 80 اسی لاکھ روپے مختص کیے لیکن ٹھیکیدار نے ملی بھگت سے کچھ اسٹریٹ لائٹس کی مرمت کرکے رفو چکر ہوگیا اب نہ تو ٹھیکیدار اپنا فون اٹینڈ کرتا ہے اور نہ ہی رابطے میں ہے یہ عوامی اسکیم ہے اور اسکے اصل مالک قلات کے عوام ہے۔