ایکس (ٹوئٹر) میں ایک نیا فیچر ہسٹری ہب متعارف

ایکس (ٹوئٹر) میں صارفین کے لیے ایک کارآمد فیچر کا اضافہ کیا گیا ہے۔

ایکس میں ایک نئے ہسٹری ٹیب کو متعارف کرایا گیا ہے جو کہ بک مارکس، لائیکس، آرٹیکلز اور ایسی ویڈیوز کا مرکز ہوگا جن کو آپ دیکھ چکے ہوں گے۔

ایکس کے پراڈکٹ ہیڈ Nikita Bier نے بتایا کہ اس فیچر کو سب سے پہلے آئی او ایس ایپ کے لیے متعارف کرایا جا رہا ہے۔

انہوں نے بتایا کہ اس سے آپ مواد کو زیادہ آسانی سے دیکھ سکیں گے۔

اس فیچر کے بعد ایکس میں پرانے بک مارک ٹیب کو ہسٹری سے تبدیل کر دیا جائے گا۔

اس میں موجود تمام مواد صرف صارف ہی دیکھ سکے گا۔

کمپنی کے مطابق بک مارکس اور جن ٹوئٹس کو آپ لائیک کریں گے وہ وہاں محفوظ ہوسکیں گے۔

اسی طرح ویڈیوز اور آرٹیکل سیکشنز میں وہ مواد موجود ہوگا جو آپ ایکس پر دیکھ چکے ہوں گے۔